2005 წელს უწმინდესისა და უნეტარესის სრულიად საქართველოს კათოლიკოს პატრიარქის კურთხევით და თაოსნობით, საქართველოს სამოციქულო ეკლესიის დელეგაცია ეწვია იერუსალიმს, რათა დასწრებოდა დიდ შაბათს ზეციდან ცეცხლის გარდამოსვლის ღვთაებრივ სასწაულს და ჩამოებრძანებინა საქართველოში საღმრთო ცეცხლი. ერთი დღით ადრე, დიდ (“წითელ”) პარასკევს მეუფე ანიანამ ჯვრით ხელში გაიმეორა მაცხოვრის გზა პილატეს ეზოდან გოლგოთაზე, ჯვარცმის ადგილამდე.